PatrolPH

3 patay sa gumuhong gusali sa Bulacan

ABS-CBN News

Posted at Jun 01 2022 12:59 PM | Updated as of Jun 01 2022 07:18 PM

Watch more News on iWantTFC

Tatlo ang patay sa pagguho ng isang gusali sa Muralla Industrial Park sa Meycauayan, Bulacan.

Sa inisyal na report, bandang alas-4 ng hapon noong Martes nang mag-collapse ang ikalawang palapag ng gusali at 4 na empleyado ang nakulong sa pagguho.

Ayon sa mga nakakita, gumuho ang gusali dahil sa overloading ng mga nakaimbak na parcel at pakete.

Nagtulong-tulong sa pagresponde ang Bulacan police, Bureau of Fire Protection, at search and rescue team.

Unang nailigtas at dinala sa ospital ang isang 28-anyos na babaeng empleyado pasado alas-8 ng gabi.

Natagpuan din ang 2 pang empleyado, kung saan isa ang narekober bandang alas-11 ng gabi at isa bandang alas-2 ng madaling araw ngayong Miyerkoles.

Pareho silang dinala sa ospital pero idineklarang dead on arrival.

Kinumpirma naman ni Meycauayan acting police chief Lt. Col. Leandro Gutierrez na nakuha na ang ika-4 na empleyadong naipit sa guho at dinala sa ospital pero hindi na rin naisalba.

— Ulat ni Nico Bagsic, ABS-CBN News

Watch more News on iWantTFC
Bisitahin ang Patrol.PH para sa iba pang mga balita.