Fish vendor pinagbabaril habang nagtitinda sa Davao del Sur

STA. CRUZ, Davao del Sur — Binaril ng riding-in-tandem sa bayan na ito ang isang lalaking fish vendor habang nagbebenta ito sa Sitio Masigasig noong Lunes ng hapon.

Kinilala ng pulisya ang biktima na si Ramil Odog Tig-adlao, 42.

Base sa imbestigasyon, 2 lalaking nakasakay sa motoriklo ang mga salarin.

Lumapit umano ang nakaangkas sa motorsiklo at binaril si Tig-adlao ng 3 beses.

Tumakas ang mga salarin sa direksiyon patungo ng Digos City.

Ayon sa mga nakakita, ang gunman ay nakasuot ng striped t-shirt habang ang driver ay naka-yellow t-shirt.

Wala umanong plate number ang motorsiklo na sinakyan ng dalawa.

Inaalam pa ng mga awtoridad ang motibo sa krimen at ang pagkakakilanlan ng mga responsable.

—Ulat ni Hernel Tocmo