PatrolPH

Barangay chairman nahulihan ng 'di lisensiyadong baril

ABS-CBN News

Posted at May 30 2021 11:32 AM

Arestado ang isang barangay chairman sa Barotac Nuevo, Iloilo matapos makuhanan ng hindi lisensiyadong baril nitong Sabado, ayon sa mga awtoridad.

Naghain ng search warrant ang Criminal Investigation and Detection Group-Iloilo (CIDG) laban sa naturang chairman sa Barangay Cruz matapos makatanggap ng ulat na palagi itong may dalang baril.

Sa paghalughog sa bahay, nakuha sa chairman ang isang .45 caliber pistol at mga bala.

Pero isinugod sa ospital ang opisyal matapos magreklamo ng paninikip ng dibdib at hirap sa paghinga.

Habang naka-hospital arrest ang chairman, inihahanda ng CIDG ang kasong paglabag sa Comprehensive Law on Firearms and Ammunition laban sa kaniya.

— Ulat ni Rolen Escaniel

RELATED VIDEO:

Watch more on iWantTFC
Bisitahin ang Patrol.PH para sa iba pang mga balita.