PatrolPH

Tone-toneladang gulay ibinagsak sa Claret community pantry

Jervis Manahan, ABS-CBN News

Posted at May 28 2021 06:36 AM

Watch more on iWantTFC

Mahigit isang buwan na mula nang magsimula ang community pantry sa Maginhawa pero dito sa Claret, Quezon City, buhay na buhay pa rin ang kanilang pantry.

Bago pa mag alas-4 ng umaga Biyernes, mahaba na ang pila rito.

Ayon kay Fr. Edu Apungan ng Immaculate Heart of Mary Parish, project organizer dito, nasa 250 katao ang natutulungan nila tuwing Lunes, Miyerkules, at Biyernes.

Sa loob ng simbahan ang pila at pinapayagang magpahinga ang mga tao habang naghihintay, basta nasusunod ang minimum health protocols.

Ibinagsak din dito nitong Biyernes ang 10 toneladang kalabasa.

Dito na ang bagsakan ng mga gulay na galing pa sa mga probinsya sa norte, at ipinamamahagi ito sa 350 iba't ibang pantry sa Metro Manila.

Bisitahin ang Patrol.PH para sa iba pang mga balita.