Barangay kagawad patay sa pamamaril sa Laguna

Zhander Cayabyab, ABS-CBN News

Posted at Jan 02 2020 02:47 PM

MAYNILA - Patay ang isang barangay kagawad matapos pagbabarilin sa Biñan, Laguna nitong Huwebes.

Nakatayo ang biktimang si Lorna Marfil, kagawad ng Barangay San Vicente, sa harap ng isang supermarket nang lapitan ng gunman at pagbabarilin, ayon kay Police Col. Eleazar Matta, provincial director ng Laguna Police.

Dinala ang biktima sa Ospital ng Biñan ngunit idineklarang dead on arrival. 

Tumakas ang suspek sa direksyon ng Barangay Sto. Domingo.

Ayon sa pulisya, hinihinalang personal na away ang motibo sa krimen.

Patuloy ang imbestigasyon.

Bisitahin ang Patrol.PH para sa iba pang mga balita.