PatrolPH

Matinding trapiko matapos ang rerouting sa Batasan dahil sa vote canvassing

ABS-CBN News

Posted at May 24 2022 06:19 PM

Nagpapatupad pa rin ng traffic rerouting sa paligid ng Batasang Pambansa kung saan ginagawa ang canvassing ng boto para sa pagka-pangulo at pangalawang pangulo.

Mula 1:00PM, hindi pinadaraanan sa mga motorista ang paligid ng Batasan, kaya naman matindi ang trapiko sa lugar. 

Ayon sa Metro Manila Development Authority, walang abiso hanggang anong oras matatapos ang road closure. 

Kung galing ng Commonwealth, pakanan sa mag Sandiganbayan, hindi na makakadiretso sa IBP road.

Kailangang kumanan sa Sinagtala at diretso na sa San Mateo Road.

Kung galing naman ng Litex, hindi rin makakadiretso ng IBP road.

Hinarangan ng trak ng bumbero ang harao ng North Wing ng Batasan.

Kaya't dapat kumaliwa ang mga sasakyan sa Payatas Road.

Kwento ng ilang motorista, isa’t kalahating oras ang kanilang binuno para makadaan dito.

Sabi naman ng mga nagbabantay na traffic enforcer ay tuloy tuloy hanggang bukas ang kanilang ipinatutupad na rerouting.

Watch more News on iWantTFC
Watch more News on iWantTFC

-- Ulat ni Robert Mano, ABS-CBN News

Bisitahin ang Patrol.PH para sa iba pang mga balita.