PatrolPH

Operasyon ng NAIA pansamantalang sinuspende dahil sa lightning advisory

Jose Carretero, ABS-CBN News

Posted at May 23 2022 08:42 PM | Updated as of May 23 2022 09:47 PM

MAYNILA (UPDATE) - Sinuspende pansamantala ng pamunuan ng Ninoy Aquino International Airport ang flight at ground operations sa paliparan ngayong Lunes dahil sa lightning advisory.

Ayon sa NAIA, naglabas ng Lightning Red Alert ang PAGASA kaninang 2:10 p.m., at 7:30 p.m.

Pero ibinaba naman ito sa Yellow Alert noong 2:47 p.m., at 8:09 p.m.

Ang pansamantalang suspensyon ng flight at ground operations ay bahagi ng kanilang pag-iingat lalo't delikado ito sa kanilang mga kawani at pasahero, sabi ng NAIA.

 

Payo ng NAIA, palagiang mag-antabay ang mga pasahero sa kanilang anunsyo sa pamamagitan ng kanilang social media platforms.

Ayon kay NAIA General Manager Ed Monreal, nasa 23 ang apektadong flight mula 8:25 ng gabi.

Kabilang dito ang 11 domestic arrivals at isang international arrival. 

Sa departure o paalis, pitong domestic flights at apat na international flights naman ang apektado.

Dagdag ni Monreal, maari pa ring tumuloy sa airport ang mga may naka-schedule na biyahe dahil tuloy naman ang pag-check in sa mga flights, ngunit apektado ang paglo-load at pagbababa ng mga bagahe.

Agad namang itutuloy ang ground operations matapos maibaba sa Yellow Alert ang lightning advisory.

Watch more News on iWantTFC
Bisitahin ang Patrol.PH para sa iba pang mga balita.