PatrolPH

P10.4-M halaga ng marijuana, binunot at sinunog sa Kalinga

ABS-CBN News

Posted at May 19 2022 02:17 PM

 Binunot at sinunog ng mga awtoridad ang mga marijuana plants sa Kalinga. PNP-Drug Enforcemeny Group
Binunot at sinunog ng mga awtoridad ang mga marijuana plants sa Kalinga. PNP-Drug Enforcemeny Group


Sinalakay ng mga awtoridad ang 4 na lupain sa Kalinga dahil sa mga tanim na marijuana na nagkakahalaga umano ng higit P10 milyon.

Pinuntahan ng mga operatiba ng PNP-Drug Enforcement Group Special Operations Unit-CAR, ang 5,200 sqm na lupain sa apat na site sa Barangay Loccong at Barangay Ngibat sa Tinglayan, Kalinga.

Sa loob ng 2 araw mula Mayo 18, binunot at sinunog ng mga awtoridad ang 52,000 piraso ng full-grown marijuana plants na tinatayang nasa P10.4 milyon ang standard drug price. 

Sa unang site ng marijuana eradication sa ilalim ng Coplan Sprakynight, nakuha ang 15,000 piraso ng full-grown marijuana plants; sa site two, 7,500 piraso ng full-grown marijuana plants; sa site three naman binunot at sinunog ang 27,500 piraso ng full-grown marijuana plants habang sa huling site naman ay nakuha ang 200 piraso ng full-grown marijuana plants.

Wala namang nahuling cultivator sa nasabing operasyon.

—ulat ni Gracie Rutao
 

Bisitahin ang Patrol.PH para sa iba pang mga balita.