PatrolPH

9 bayan sa Eastern Samar isinailalim sa state of calamity

Ranulfo Docdocan, ABS-CBN News

Posted at May 19 2020 03:11 PM | Updated as of May 19 2020 07:55 PM

9 bayan sa Eastern Samar isinailalim sa state of calamity 1
Balot ng putik ang mga kalsada ng Jipapad, Eastern Samar kasunod ng pananalasa ng bagyong Ambo noong nakaraang linggo. Ranulfo Docdocan, ABS-CBN News

Isinailalim sa state of calamity ang 9 na bayan sa Eastern Samar dahil sa pinsalang dulot ng nagdaang bagyong Ambo, sabi ngayong Martes ni Governor Ben Evardone.

Kasama rito ang mga bayan ng Arteche, Can-avid, Dolores, Jipapad, Maslog, Oras, San Policarpo, Sulat, at Taft.

Sa pagsasailalim ng state of calamity, magagamit ng mga local government ang kanilang calamity fund para matugunan ang pangangailangan ng mga nasalanta ng bagyo, ayon kay Evardone.

Watch more on iWantTFC

Sa ngayon, 4 ang nasawi sa pananalasa ng bagyo sa probinsiya at 44 naman ang nasugatan.

Aabot sa 34,235 pamilya ang apektado.

Nasa P9 milyon naman ang halaga ng pinsala sa agrikultura ang naidulot ng bagyo.

Bisitahin ang Patrol.PH para sa iba pang mga balita.