PatrolPH

COC sa pagka-Pangulo at Bise Presidente, dumating na sa Senado

ABS-CBN News

Posted at May 17 2022 09:32 PM

MANILA — Dumating na sa Senado ngayong Martes ang iba pang certificates of canvass (COCs) para sa pagka-Pangulo at Pangalawang Pangulo.

Kabilang sa dumating ang COC mula Cebu province.

Sa ngayon nasa 142 COCs ang nadala sa Senado. Katumbas ito ng 82.08 percent ng kabuuang 173 COCs.

Ilan naman sa mga COC mula sa overseas absentee voting (OAV) ang dumating na rin sa Senado. Kasama dito ang COC mula CNMI (Agana), Kuwait, Japan, at Oman.

Una na ring dumating dumating sa Senado ang COC mula Tawi-Tawi, Leyte. Davao City, Zamboanga del Sur, 63 barangays ng Bangsamoro Autonomous Region in Muslim Mindanao (BARMM), Siquijor, Bohol at Maynila.

Inaasahang ililipat sa Mayo 23 ang lahat ng ballot box na may COC sa Batasang Pambansa. 

Doon bibilangin at ipoproklama ang mga nanalo sa presidential at vice presidential elections.

Patuloy pa ring nangunguna si dating Sen. Ferdinand "Bongbong" Marcos Jr. at Davao City Mayor Sara Duterte sa partial, unofficial count mula sa Comelec transparency server.

Mayroong 31.1 milyong boto si Marcos, habang may 31.5 milyong boto naman si Duterte.

Una nang idineklara ng kampo ni Marcos ang kanyang pagkapanalo sa Halalan, at unti-unti na nilang binubuo ang magiging gabinete sa kanyang administrasyon.

—ulat ni Robert Mano, ABS-CBN News

KAUGNAY NA VIDEO:

Watch more News on iWantTFC
Bisitahin ang Patrol.PH para sa iba pang mga balita.