2 miyembro ng Coast Guard, guro huli sa Zamboanga drug bust

ABS-CBN News

Posted at May 16 2021 12:10 PM

Ebidensiyang nakumpiska sa buy-bust operation sa Zamboanga City noong Mayo 15, 2021, kung saan nahuli ang 2 miyembro ng Philippine Coast Guard at isang guro.

Naaresto ng mga awtoridad ang 2 miyembro ng Philippine Coast Guard at isang guro sa buy-bust operation sa Zamboanga City nitong Sabado.

Ayon sa pulisya, binentahan ng 3 suspek ang isang pulis na nagpanggap na buyer sa operasyon sa Atis Drive, Barangay Baliwasan.

Nakumpiska sa mga suspek ang 4 na pakete ng hinihinalang shabu na nagkakahalaga ng P200,000.

Samantala, nahuli rin sa Barangay Cabatangan sa Zamboanga City ang isang mag-asawa dahil din sa ilegal na droga.

Kakasuhan ang mga suspek ng paglabag sa Comprehensive Dangerous Drugs Act of 2002.

— Ulat ni Leizel Lacastesantos

RELATED VIDEO:

Watch more in iWantTFC
Bisitahin ang Patrol.PH para sa iba pang mga balita.