PatrolPH

Robin Padilla nangungunang kandidato sa pagka-senador sa paunang canvassing ng NBOC

Johnson Manabat, ABS-CBN News

Posted at May 12 2022 09:13 PM

MAYNILA - Patuloy ang canvassing ng National Board of Canvassers (NBOC) sa PICC sa Pasay City para sa mga kandidatong senador at party-list groups.

Sa inilabas na report number 2 ng Commission on Elections para sa mga kandidatong senador, nangunguna pa rin sa partial at official count ng NBOC ang aktor na si Robin Padilla na mayroong 13,231,228 boto.

Pangalawa si Antique Rep. Loren Legarda na nakakuha ng 12,290,805 votes.

Nasa ikatlong puwesto pa rin ang broadcaster na si Raffy Tulfo na mayroon namang 12,223,867.

Pang-apat si Sen. Sherwin Gatchalian na may 10,427,847 boto, at panglima si Sorsogon Gov. Chiz Escudero na mayroong 10,403,405 boto.

Nasa ikaanim na puwesto si dating House Speaker Alan Peter Cayetano, na sinundan naman nina dating Department of Public Works and Highways Sec. Mark Villar, Sen. Migz Zubiri, Sen. Joel Villanueva, dating Sen. JV Ejercito, Sen. Risa Hontiveros at dating Sen. Jinggoy Estrada.

Humahabol naman sa pang-13 pwesto si dating Vice President Jejomar Binay na may 6,882,860 boto.

Ang mga sumusunod na party-list groups ang nakakuha ng mataas na porsyento ng boto, ayon sa partial results ng Comelec:

  1. Anti-Crime and Terrorism Community and Support ( ACT-CIS ) - 1,112,991
  2. AKO BICOL PARTY - 513,403
  3. 1-RIDER PARTYLIST - 453,712
  4. 4PS - 427,779
  5. ANG PROBINSIYANO - 421,253
  6. SAGIP PARTYLIST - 411,440
  7. CIBAC PARTYLIST - 394,750
  8. AKO BISAYA - 391,242
  9. PROBINSIYANO AKO - 380,119
  10. TINGOG SINIRANGAN - 364 699

KAUGNAY NA VIDEO

Watch more News on iWantTFC

 

Bisitahin ang Patrol.PH para sa iba pang mga balita.