'Sagip Palaweño' hotlines inilunsad para sa mga na-stranded na taga-Palawan

Inilunsad ng provincial government ng Palawan ang "COVID-19: Sagip Palaweño," na layong maiuwi ang mga Palaweño na na-stranded sa mga lugar sa labas ng lalawigan dahil sa coronavirus pandemic.

Ang mga tatawag sa "COVID-19: Sagip Palaweño" — na nag-operate 12 oras kada araw — ay hihingan ng kanilang personal na impormasyon para beripikahin sa Provincial Social Welfare and Development Office.

"Chine-check kung magka-qualify for asisstance. Marami na nangyari na may mga nagpapanggap at very unfortune na nagagawa pa nila na sila ay taga-Palawan," ani provincial board member Winston Arzaga.

Bubuo ang provincial government ng masterlist ng mga na-stranded na taga-Palawan at kapag nakumpleto ito, padadalhan nila ang mga na-stranded ng cash assistance at makikipag-ugnayan para maisakay ang mga ito sa sweeper flights pabalik ng lalawigan.

Narito ang hotline numbers para sa "COVID-19: Sagip Palaweño": 0935-515-7055, 0935-515-7056, 0935-515-7058, 0935-515-7060, 0935-515-7077, 0951-982-8753, 0946-567-7342, 0946-567-7108, 0951-982-8754 and 0951-982-8755.

Puwede ring dumulog ang stranded na Palaweños sa social media accounts ng provincial government.

-- Ulat ni Arlie Cabrestante, ABS-CBN News