PatrolPH

Health worker, ikatlong kaso ng COVID-19 sa Misamis Occidental

Dynah Diestro, ABS-CBN News

Posted at Apr 30 2020 10:30 PM

TUDELA, Misamis Occidental - Isang 47 anyos na babaeng health worker ang kabilang ngayon sa mga tinamaan ng COVID-19 sa Misamis Occidental at naitalang pangatlong positibong kaso sa probinsya.

Ayon kay Governor Philip Tan, nasa maayos namang kalagayan ang pasyente na kasalukuyang naka-quarantine sa bahay.

Abril 10 nang makaranas ito ng ubo at nagpacheck-up makalipas ang isang linggo.

Walang travel history ang pasyente pero may direct contact ito sa pangalawang pasyente na nagkasakit rin ng COVID-19 at namatay dahil sa atake sa puso.

Ipatutupad naman hanggang ika-15 ng Mayo ang general community quarantine sa buong probinsya ng Misamis Occidental para maiwasan ang pagkalat ng sakit.

Umabot na sa 8,488 ang kabuuang bilang ng mga positibong kaso ng COVID-19 sa buong Pilipinas nitong Huwebes. Umabot naman sa 1,043 ang mga gumaling habang 568 na ang namamatay dahil sa sakit.

Bisitahin ang Patrol.PH para sa iba pang mga balita.