Dating San Juan City mayor Guia Gomez, na-ospital muli dahil sa COVID-19

Joyce Balancio, ABS-CBN News

Posted at Apr 29 2021 10:39 PM

MAYNILA - Ibinalik muli sa ospital si dating San Juan City Mayor Guia Gomez. 

Sa tweet ng kanyang anak na si dating Sen. JV Ejercito nitong Huwebes, sinabi iyang dinala uli sa sa ospital ang kaniyang ina matapos maghintay ng isang linggo para sa isang kwarto. 

Nauna nang nag-positibo sa COVID-19 si Gomez noong Disyembre at na-ospital din dahil sa sakit.

Ngayon dinala siya uli sa ospital dahil ulit sa COVID-19 at sa pneumonia bagama't hindi na binanggit ni Ejercito kung anong ospital ito. 

Gayunman, may paunang treatments na aniya na ginawa kay Gomez sa kanilang bahay. 

Humihingi ng panalangin si Ejercito para sa kanyang ina. 

Bumuhos naman ang mensahe mula sa mga kasamahan niya sa senado noon na nina Sen. Joel Villanueva, Sen. Nancy Binay at Sen. Sonny Angara na nagsabing magdadasal sila para sa recovery ni Gomez. 

Maging si Valenzuela City Mayor Rex Gatchalian ay sinabing ipinagdarasal din ng mga taga lungsod ang paggaling ng dating alkalde ng San Juan. 

Nitong Lunes lamang nakauwi mula sa halos isang buwang pagka-ospital ang ama ni Ejercito na si dating pangulong Joseph Estrada dahil rin sa COVID-19

RELATED VIDEO

Watch more on iWantTFC