21 bahay natupok sa Antique

Aabot sa 21 bahay ang natupok sa bayan ng San Jose, Antique noong gabi ng Lunes, ayon sa lokal na Bureau of Fire Protection (BFP).

Pasado alas-6 ng gabi nang makatanggap ang BFP ng tawag ukol sa sunog sa Barangay 4, na idineklarang fire out bandang alas-7:19 ng gabi.

Wala namang naiulat na nasugatan sa insidente.

Pansamantalang nananatili sa eskuwelahan sa karatig-barangay ang mga nasunugan.

Patuloy ang imbestigayson ng mga awtoridad sa sanhi ng sunog.

-- Ulat ni Regi Adosto, ABS-CBN News