MAYNILA - Nasagip na ang isang 8 anyos na batang babae mahigit 2 araw matapos ma-kidnap habang bumibili ng load sa barangay Manresa sa Quezon City.
Magpapa-load sana ang batang si "Ineng" sa malapit na tindahan nang madaanan nito ang nakaupong lalaking kapitbahay. Huminto ang paslit at nakipaglaro rito. Maya-maya, sumakay na sila sa tricycle.
Nagsumbong naman sa La Loma police ang mga magulang ng bata.
Nag-post sa social media ang barangay Manresa, habang nag-alok ng pabuyang P10,000 ang kapitan at nanawagan sa suspek.
Natunton ng PNP Anti-kidnapping group ang suspek sa Pasig at nasagip ang bata nitong Martes ng gabi.
Inamin ng suspek na may problema siya sa pamilya at nami-miss na umano niya ang kaniyang anak.
Sasampahan ng kasong kidnaping sa pisikalya ang suspek.
— Ulat ni Zyann Ambrosio, ABS-CBN News
Bisitahin ang
Patrol.PH para sa iba pang mga balita.