Aabot sa 57 katao na ang nahuling lumabag sa enhanced community quarantine sa Caloocan nitong Biyernes ng gabi.

Ayon kay Caloocan Police Chief Police Col. Dario Menor, nahuli nilang nakatambay sa kalsada ang mga lumabag sa Barangay 28, 35, at Bagong Barrio.

May isa pang nakumpiskahan ng hinihinalang marijuana.

57 katao, huli sa paglabag sa enhanced community quarantine sa Caloocan. Ayon sa Caloocan PNP, mga nakatambay sa kalsada ang mga nahuli at mayroon pang nakumpiskahan ng hinihinalang marijuana (📽Caloocan PNP) @DZMMTeleRadyo @ABSCBNNews pic.twitter.com/RUWWyUFbpb

— Maria Arra Perez (@arraperezDZMM) April 24, 2020

Sa video, makikitang nakahawak sa tali ang mga naaresto at paliwanag ni Menor, ito'y upang mapanatili ang physical distancing.

Diretso na sa police station ang mga nahuli na sasampahan ng kasong disobedience to a person in authority in relation to enhanced community quarantine guidelines.