MAYNILA—Nakilala na ng mga pulis ang babae at lalaking sakay ng van na binaril sa Bel Air, Makati Miyerkoles ng hapon.

Sa report mula kay Makati chief of police Col. Harold Depositar, tinukoy ang 2 biktima na sina Bonifacio De Vera Jr., 62, at Remigia Devera, 62, taga-magkaibang lugar sa Quezon City.

• 2 patay sa pananambang sa Makati

Sa imbestigasyon ng pulis, sangkot sa pamamaril ang isang hindi pa nakikilalang lalake at babaeng suspek na dumating sa lugar sakay ng kulay gray na sedan.

Natukoy sila mula sa pagsilip ng pulis sa mga kuha ng CCTV sa lugar.

• Babae patay nang pagbabarilin sa loob ng bahay sa Davao de Oro

Patay ang dalawang sakay ng isang puting van sa Bel Air Makati matapos barilin ng di pa nakikilalang salarin kaninang alas dos ng hapon. Dead on the spot ang babae at lalaking sakay ng van. @ABSCBNNews@DZMMTeleRadyo pic.twitter.com/eOGcJMcGDo

— jeck batallones (@jeck_batallones) April 21, 2021

• Lalaki patay matapos pagbabarilin sa harap ng bahay niya sa Cagayan

Ayon sa pulis, nagkaroon pa ng pag-uusap ang isang suspek sa mga biktima bago ang pamamaril bandang ala-1:35 ng hapon.

Naunang pumarada sa bahagi ng Jupiter Street ang van na sakay ng mga biktima.

Sunod na dumating ang sedan na pumarada sa harapan ng van.

Pumasok sa van ang babaeng suspek, pero bumaba maya-maya at nakipag-usap sa kasama niyang lalaki.

Saka naman pumasok ang lalaki sa van at pinagbabaril ang mga biktima.

• Lalaking nasa lamay sa Parañaque patay sa pamamaril

Tinamaan sa katawan si De Vera na nagmamaneho ng van, habang sa mukha naman si Devera na nakaupo sa likod ng driver’s seat.

Lumabas ng van ang lalaki na may bitbit na green na eco-bag. Tumungo ng South Avenue sa Makati ang sasakyan ng mga suspek.

Narekober ng Makati SOCO ang 6 na basyo at 1 bala mula sa caliber .45 na baril.

Patuloy pang iniimbestigahan ang motibo sa pamamaril.