Digos City mayor positibo sa COVID-19

ABS-CBN News

Posted at Apr 12 2021 12:04 PM

Nagpositibo sa COVID-19 si Digos City Mayor Josef Fortich Cagas. Retrato mula sa Digos City Government

Naka-isolate at nagpapagaling ngayon sa ospital si Digos City Mayor Josef Fortich Cagas matapos mag-positibo sa COVID-19, sabi ng lokal na pamahalaan.

Ayon sa pahayag ng Digos city government, natuklasang positibo sa respiratory disease ang alkalde nang lumabas ang swab test result nito noong Huwebes.

Patuloy naman umano ang paghahanap sa mga close contact ng alkalde.

Nanawagan ang city government sa mga nakasalamuha ng alkalde simula Marso 17, 2021 na makipag-ugnayan sa kanila para sa health assessment at assistance tulad ng libreng swab test at paggamit ng isolation unit.

Nanawagan din ang pamahalaang lokal na makiisa sa pagdarasal para sa mabilisang paggaling ni Cagas.

Sa ngayon, may 771 kumpirmadong kaso ng COVID-19 sa Digos City.

— Ulat ni Hernel Tocmo