Puffer fish na nakalason sa isang magsasaka sa bayan ng Hinunangan, Southern Leyte matapos nitong kainin ang isda. Retrato mula sa Hinunangan Municipal Police Station.
Patay ang isang magsasaka sa bayan ng Hinunangan, Southern Leyte matapos malason sa kinaing puffer fish nitong Miyerkoles.
Kinilala ng mga awtoridad ang biktima na si Dario Bacus, 39 anyos na magsasaka sa Barangay Union.
Sa imbestigasyon, umuwi ng bahay bandang alas-7 ng gabi noong Martes ang biktima na may dalang isang kilong puffer fish, na kaniyang niluto at kinain.
Gumising muli umano ng alas-4 ng madaling araw noong Miyerkoles ang biktima at muling niluto ang isda.
Pinuntahan ng pulisya ang bahay ng biktima matapos makatanggap ng ulat mula sa Hinunangan emergency response team.
Sa examination sa bangkay, lumalabas na nalason ang biktima at walang nakitang foul play.
– Ulat ni Ranulfo Docdocan
FROM THE ARCHIVES:
Bisitahin ang
Patrol.PH para sa iba pang mga balita.
PatrolPH, Tagalog news, rehiyon, regions, regional news, puffer fish, lason, Hinunangan, Southern Leyte