PatrolPH

Negosyanteng Chinese patay sa pamamaril sa Batangas

ABS-CBN News

Posted at Mar 24 2022 01:15 PM

Watch more News on iWantTFC

Patay ang isang negosyanteng Chinese matapos pagbabarilin nitong Miyerkoles sa Ibaan, Batangas, ayon sa pulisya.

Dead on the spot ang 49 anyos na si Peterson Co, may-ari ng isang construction business.

Iniinspeksiyon ni Co ang pinagagawa niyang gymnasium sa Barangay Coliat nang umano'y lapitan at barilin ng hindi pa nakikilalang salarin.

Tumakas sakay ng motorsiklo ang salaring naka-helmet at jacket na itim.

Narekober ng mga pulis ang mga basyo ng kalibre .45 na baril.

Patuloy na inaalam ang motibo sa krimen.

— Ulat ni Dennis Datu, ABS-CBN News

RELATED VIDEO

Watch more News on iWantTFC
Bisitahin ang Patrol.PH para sa iba pang mga balita.