Ninakaw ang isang portable ventilator sa isang ospital sa Quezon City kamakailan.
MAYNILA — Arestado ang 3 tao kaugnay sa pagnanakaw umano ng isang portable ventilator sa isang opsital sa Quezon City.
Kabilang sa mga natimbog ang isang empleyado ng ospital, na nakuhanan umano ng CCTV na tinangay ang ventilator na nagkakahalagang P800,000.
Natuklasan umanong nawawala ang ventilator matapos mag-imbentaryo ang mga tauhan ng ospital, kaya ni-review ang CCTV at nakita ang pagnanakaw.
Nahuli naman noong Sabado sa Maynila ang 34 anyos na lalaki na bumili online ng ninakaw na ventilator sa halagang P55,000.
Kinagabihan, dumating ang kaibigan ng bumili ng ventilator para suhulan ng P5,000 ang mga pulis kaya hinuli rin ito.
Makakasuhan ng qualified theft at paglabag sa Presidential Decree No. 1612 o Anti-Fencing Law ang mga suspek.
— Ulat ni Champ de Lunas, ABS-CBN News
FROM THE ARCHIVES
Bisitahin ang
Patrol.PH para sa iba pang mga balita.