BIR complex sa Pampanga, may 'green building' na

Kate Cunanan, ABS-CBN News

Posted at Mar 19 2018 12:33 PM

Binuksan ang bagong Bureau of Internal Revenue complex sa San Fernando City, Pampanga, ang unang green buidling ng kawanihan sa buong bansa. Kate Cunanan, ABS-CBN News

SAN FERNANDO, Pampanga - Binuksan nitong Lunes ang bagong Bureau of Internal Revenue complex sa bayang ito, ang kauna-unahang government green building sa probinsya ng Pampanga.

Ang BIR regional office na ito ang pinaka-una ring "green building" ng ahensya sa buong bansa.

Mayroon itong 400kW solar panels, na kung saan posibleng makatipid ng hanggang P6 milyon umano sa konsumo ng kuryente, at water harvesting system. Napaliligiran din ng green walls ang buong complex ng BIR.

Matatagpuan sa complex na ito ang BIR regional office building, document processing division building, revenue district office ng North Pampanga, at ang revenue district office ng South Pampanga.

Ayon sa regional director ng BIR Region 4-Pampanga, magiging hamon sa kanila ngayon na lampasan pa ang nakatakdang collection goal allocation.

Noong 2017, naka-kolekta ang unit nila ng P30.46 billion, lampas sa kanilang goal.