ALAMIN: Ruta ng libreng shuttle service ng tanggapan ni Robredo

ABS-CBN News

Posted at Mar 18 2020 07:53 AM

MANILA — Umarangkada ngayong Miyerkoles ng umaga ang libreng shuttle service ng tanggapan ni Bise Presidente Leni Robredo sa Metro Manila, na kasama sa lockdown ng Luzon dahil sa novel coronavirus (COVID-19)  

Bukas ang naturang serbisyo sa sinumang nagtatrabaho sa mga ospital na mayroong valid ID, inanunsyo ni Robredo sa Facebook. 

Bago aniya sumakay, kailangan ng mga pasahero na ipa-check ang kanilang temperatura, mag-disinfect ng kamay gamit ang alcohol at magsulat sa logbook. 

"Oobserbahan ang social distancing measures sa pag-upo sa bus. Nakikiusap kami na lahat ay sumunod sa mga patakarang ito, at sa anumang ipapakiusap ng driver at staff ng shuttle," ani Robredo. 

Nagsimula aniya ang pilot run alas-6 ng umaga sa mga naturang ruta: 
 
ROUTE 1:

RITM Alabang — Magallanes SLEX MRT (via Osmeña Highway, via Quirino Ave.) — Taft Ave. LRT — PGH / UP-NIH — Lawton LRT — Carriedo LRT — Recto LRT — Tayuman LRT — Jose Reyes Memorial Medical Center

ROUTE 2:

Heritage Hotel EDSA ext (via Roxas Blvd., via Quirino Ave.) — Taft Ave. LRT — PGH / UP-NIH — Manila City Hall (via Quiapo) — UST Hospital — UDMC (via Welcome Rotonda, via Quezon Ave.) — Phil. Orthopedic Center (Banawe, via Araneta Ave. — EDSA Quezon Ave. MRT

ROUTE 3:

SM MOA Globe EDSA — EDSA Taft LRT / MRT — Magallanes MRT — Guadalupe MRT — Shaw MRT — Cubao MRT / LRT2 (via Aurora Blvd., via C5 ext.) — QMMC (via C5 / Marcos Highway) — Santolan LRT2 — Sta. Lucia East Grand Mall, Cainta

ROUTE 4:

EDSA ext. / Macapagal Ave. — EDSA Taft LRT / MRT — Magallanes MRT — Shaw MRT — Cubao MRT / LRT2 — East Ave. Medical Center — Phil. Heart Center — Lung Center of the Phils. (via Quezon Memorial Circle) — VMMC (via EDSA) — Monumento LRT

ROUTE 5:

SM Fairview (via Commonwealth Ave, via Quezon Memorial Circle) — East Ave. Medical Center — Phil. Heart Center — Lung Center of the Phils. (via Agham Road, via Quezon Ave.) — Phil. Orthopedic Center — UDMC (Welcome Rotonda, via España) — UST Hospital — Lawton LRT

ROUTE 6:

Balintawak LRT — Quezon Ave. MRT — GMA – Kamuning MRT — Cubao MRT — Santolan–Annapolis MRT — Ortigas MRT — EDSA cor. Kalayaan Ave. — Ayala MRT — Magallanes MRT — Heritage Hotel EDSA ext.

Magsisimula ang shuttle sa end points ng bawat ruta alas-11:30 ng umaga, ayon kay Robredo. 

Idiniin din niyang nasa pilot run pa lang ang libreng shuttle at "pag-aaralan kung paano po pabubutihin ang serbisyo."

Hinikayat niya ang publiko na subaybayan ang kaniyang social media accounts para sa mga update, schedule at ruta ng shuttle service Miyerkoles ng hapon.

Nakapagtala na ang Pilipinas ng 187 kaso ng novel coronavirus, kabilang ang 14 na pasyenteng nasawi dahil sa sakit at 6 na gumaling, inanunsyo ng health department nitong Martes. 

Upang mapigil ang pagkalat ng COVID-19, inilagay ni Pangulong Rodrigo Duterte ang Luzon sa community quarantine hanggang Abril 12.