PatrolPH

Bar sa Cubao na nag-aalok ng 'live show, extra service', ni-raid; 13 babae, nasagip

ABS-CBN News

Posted at Mar 14 2019 04:17 AM | Updated as of Mar 14 2019 10:20 PM

Watch more on iWantTFC

MAYNILA - Nilusob ng mga awtoridad Miyerkoles ng gabi ang isang bar sa Cubao, Quezon City dahil nag-aalok umano ito ng malaswang palabas at extra service.

Nasagip ang 13 babae, kabilang ang isang menor de edad na mula Mindanao.

Naaresto naman ang 3 lalaki, kabilang ang isang barangay kagawad na siya umanong nagpapasok sa isang biktima na magtrabaho sa bar.

Sa surveillance video ng pulisya, nakuhanan ang pagsayaw nang hubad ng isang babae.

Bukod sa malaswang palabas, nag-aalok din umano ng extra service ang bar sa VIP room nito.

Kuwento ng menor de edad na biktima, nagtatrabaho siya sa bar para may maipadalang pera sa kaniyang magulang sa Mindanao.

Itinanggi naman ng mga hinuli ang alegasyon laban sa kanila. Mahaharap sila sa reklamong paglabag sa Republic Act 10364 o Expanded Anti-Trafficking in Persons Act of 2012.

Samantala, dadalhin muna sa tanggapan ng Social Services Development Department ng Quezon City ang mga biktima. - Ulat ni Anjo Bagaoisan, ABS-CBN News

Bisitahin ang Patrol.PH para sa iba pang mga balita.