Hinihinalang gang leader, sugatan sa rambol sa Davao City

Bonna Pamplona, ABS-CBN News

Posted at Mar 11 2018 06:20 PM

DAVAO CITY - Sugatan ang menor de edad na si Alyas Joel matapos mabato sa ulo nang makaalitan ang mga gang.

Pinaniniwalaang lider ng isang gang si Joel.

Nag-riot ang mga ito pasado ala-una Linggo ng madaling araw sa Purok Talisay Times Beach, Barangay 76-A sa Davao City.

Ayon sa kasamahan nito na si Alyas Raul, nag-ca-car wash lang umano sila nang may dumaan na grupo ng mga kalalakihan at bigla silang binato.

Pero ayon sa mga residente, palagi umanong nag-ra-riot ang grupo ng kalalakihan sa kanilang lugar.

Talong menor de edad din ang hinuli ng Talomo Police nang magsitakbuhan ang mga ito matapos sitahin.

Samantala, sa tulong naman ng mga masahista na naka-pwesto sa may Rizal Park sa Davao City, naaresto rin ang dalawang menor de edad na lalaki nang mag-riot din Linggo ng madaling araw.

Dadalhin sa lokal na Department of Social Welfare and development ang mga na-rescue na menor de edad para isailalim sa counseling.

Bisitahin ang Patrol.PH para sa iba pang mga balita.