2 pulis timbog sa pangongotong sa Agusan del Sur

ABS-CBN News

Posted at Mar 10 2020 02:30 PM

Inaresto noong Lunes ang 2 tauhan ng Philippine National Police-Highway Patrol Group (PNP-HPG) sa bayan ng Prosperidad, Agusan del Sur dahil sa umano ay pangongtong.

Hinuli ang 2 tauhan ng HPG sa entrapment operation na ikinasa ng PNP Integrity Monitoring and Enforcement Group (IMEG) at lokal na pulisya, sabi ni PNP IMEG director Col. Ronald Lee.

Nagsagawa ng operasyon ang PNP-IMEG laban sa mga pulis matapos makatanggap ng sumbong ukol sa umano ay pangongotong ng mga ito sa mga driver ng van at delivery truck sa Barangay Poblacion, sabi ni Lee.

May ranggong staff sergeant at corporal ang mga nahuling pulis, na haharap sa mga kasong administratibo at kriminal.

-- Ulat ni Zhander Cayabyab, ABS-CBN News

Bisitahin ang Patrol.PH para sa iba pang mga balita.