Lalaki, patay sa pamamaril sa Caloocan

Fred Cipres, ABS-CBN News

Posted at Sep 02 2018 08:56 AM

MANILA - Dead on the spot ang isang lalaki matapos pagbabarilin nang hindi nakilalang salarin sa Brgy. 176, Bagong Silang North, Caloocan City.

Kinilala ang biktimang si Frankie Magalona, 27-anyos residente ng nabanggit na barangay.

Batay sa paunang ulat ng pulisya, bumibili lamang sa tindahan ng manok ang biktima nang barilin ito ng isang lalaking nakasakay sa tricycle.

Agad na nasawi ang biktima matapos magtamo ng tama ng bala sa ulo at katawan.

Matapos ang pamamaril ay mabilis na tumakas ang suspek sakay ng tricycle na hindi naman naplakahan.

Tatlong basyo at dalawang deformed bullets ng hindi pa matukoy na kalibre ng baril ang nakuha sa crime scene

Blanko pa ang pulisya sa motibo sa pamamaril.

Bisitahin ang Patrol.PH para sa iba pang mga balita.