PatrolPH

Higit P20-M halaga ng umano’y shabu nasabat sa Muntinlupa, Cavite

ABS-CBN News

Posted at Mar 02 2022 07:36 AM | Updated as of Mar 02 2022 07:43 AM

MAYNILA — Higit P20 milyong halaga ng shabu ang nasabat sa magkahiwalay na mga operasyon sa Muntinlupa City at Cavite, ayon sa mga awtoridad.

Sa Muntinlupa, aabot sa P6.8 milyong halaga ng umano'y shabu ang nasabat sa 4 na suspek, Martes ng gabi.

Base sa report, kinasa ang operasyon sa Barangay Poblacion kung saan nagpanggap ang isang asset na bibili siya ng droga sa mga suspek. 

Nang matapos ang transaksiyon, agad inaresto ng mga pulis ang mga suspek. Nakumpiska umano sa mga ito ang 1 kilo ng suspected shabu, assorted IDs at mga dokumento, 4 na cellphone, at tsaka 1 gray van.

Sa Bacoor City, samantala, timbog ang 1 lalaki sa buy-bust operation kung saan nakasamsam ang mga pulis ng 2 kilo ng shabu umano na may halagang P13.8 milyon.

Kasalukuyang hawak ng mga police ang mga arestado.

Haharap ang mga ito sa kasong paglabag sa Comprehensive Dangerous Drugs Act of 2002.—Ulat ni Anna Cerezo, ABS-CBN News

Bisitahin ang Patrol.PH para sa iba pang mga balita.