Radio reporter sa Davao del Sur, arestado dahil sa ilegal na droga

Cheche Diabordo, ABS-CBN News

Posted at Mar 02 2020 06:13 PM

DIGOS CITY - Arestado ang isang radio reporter sa Davao del Sur sa isinagawang operasyon ng Digos Police Station sa Barangay Matti, Digos City Biyernes ng madaling araw.

Inaresto ang suspek na si Rexcyn Torrecampo, 41 taong gulang, matapos mabilhan ng isang sachet ng hinihinalang shabu sa halagang 2,000 pesos.

"Top 4 siya sa drug watchlist sa provincial level. Ang ibig sabihin, matagal na siyang minamanmanan ng otoridad," ayon kay PLt. Col. Vici Anthony Tababa.

Bukod sa buy-bust item ay nakunan rin ang suspek ng dalawang pakete ng hinihinalang shabu.

Tinatayang nasa P150,000 pesos ang halaga ng mga ilegal na droga na nasamsam mula sa suspek.

Kinasuhan na ng paglabag sa Comprehensive Dangerous Drugs Act of 2002 si Torrecampo.

Bisitahin ang Patrol.PH para sa iba pang mga balita.