Konsehal patay matapos mabangga ng multicab sa Capiz

Patay ang isang konsehal matapos na mabangga ng multicab ang sinasakyan niyang bisikleta sa Barangay Poblacion sa Sapian, Capiz, Sabado ng umaga.

Nakilala ang biktima na si Conradlou Hondrado, miyembro ng Sangguniang Bayan ng Sapian.

• 1 patay sa pagsalpok ng multicab sa poste ng kuryente sa Capiz

Sa lakas ng pagkabangga ay tumilapon ang biktima sa gitna ng kalsada.

Agad na dinala sa ospital ang biktima pero ideneklara na siyang dead on arrival ng doktor.

Hawak na ngayon ng awtoridad ang driver ng multicab at nakatakdang sampahan ng kasong reckless imprudence resulting in homicide.

- Ulat ni Rolen Escaniel