3 sasakyan, nagkarambola sa QC

Jervis Manahan, ABS-CBN News

Posted at Mar 26 2019 10:51 AM

MAYNILA – Tatlong sasakyan ang nasangkot sa karambola sa kahabaan ng Commonwealth Avenue sa Quezon City, Martes ng madaling araw.

Sumampa sa ginagawang MRT-7 ang isang taxi bandang alas-2:30 ng madaling araw at tumilapon pa ang babaeng pasahero nito na nagtamo ng mga sugat sa iba’t-ibang bahagi ng katawan.

Ayon sa isang nakakita sa aksidente, nabangga ng isang SUV ang taxi. Mago-overtake sana ang SUV pero nag-alangan kaya’t tumama sa taxi at nabangga rin ang isang pick-up.

Sugatan din sa aksidente ang driver ng SUV na tumagilid pa. Basag naman ang windshield ng pick-up.

Dinala ang mga sugatan sa ospital habang sa traffic sector naman dineretso ang mga sasakyang nasangkot sa aksidente.

Bisitahin ang Patrol.PH para sa iba pang mga balita.