Patay ang isang ina habang nakaligtas naman ang kaniyang 17 taong gulang na babaeng anak matapos maaksidente ang sinasakayan nilang motorsiklo sa Quezon City, umaga ng Linggo.
Nakuhanan pa ng CCTV ang pagkaladkad ng truck sa motorisklong sinasakyan ni Mary Jane Reodique, 42, at anak niyang si Cyra bandang alas-10 ng umaga sa may Mindanao Avenue sa Novaliches.
Ayon sa Quezon City traffic, papunta sana sa U-turn slot ang mag-ina pero hindi nakita ng truck driver dahil nasa blind spot.
Pauwi sana sa kanilang bahay sa Camarin, Caloocan City ang mag-ina nang mangyari ang insidente.
Agad namang naaresto ng mga awtoridad ang driver ng truck.
Si Mary Jane, na isang mananahi, lang ang nagtatrabaho sa kanilang mag-asawa. Nagsusumikap siya para sa 4 nilang anak.
-- Ulat ni Zyann Ambrosio, ABS-CBN News
FROM THE ARCHIVES:
Bisitahin ang
Patrol.PH para sa iba pang mga balita.
PatrolPH, Tagalog news, metro, Quezon City, aksidente, road accident, motorcycle, angkas, truck