Miyembro umano ng Akyat Bahay gang patay sa pamamaril sa QC

Patay ang isang lalaki na hinihinalang miyembro ng Akyat Bahay gang matapos subukang magnakaw sa bahay sa Filinvest 2 Biyernes ng madaling araw sa Batasan Hills, Quezon City.

Patay ang isang lalaking nagtangka umanong magnakaw sa isang bahay sa subdivision sa Brgy. Batasan Hills. Ayon sa isang residente, may mga kasama pa umano ang magnanakaw nang mahuli kaninang 3:30am. @ABSCBNNews @ukgdos pic.twitter.com/QijdKbxhLf

— Jervis Manahan (@JervisManahan) February 20, 2020

Bago mag alas-4 ng umaga ay naireport ng residente ang insidente ng pagnanakaw.

Sinubukan pa umano ng lalaki na makipag-agawan ng baril sa guard, pero nabawi ng gwardiya ang baril at napatay ang umano'y magnanakaw.

Ayon sa ilang residente, may kasama pa ang lalaki.

Patuloy pa rin ang imbestigasyon sa insidente.-Ulat ni Jervis Manahan, ABS-CBN News