Ride sa Star City tumirik; 10 nakasakay, ligtas

Angel Movido, ABS-CBN News

Posted at Feb 17 2018 09:28 PM | Updated as of Sep 22 2018 11:19 AM

Star Flyer ride sa Star City. Star City Facebook page

MANILA—Tumirik ang isa sa mga ride sa Star City amusement park habang may sakay itong 10 tao Sabado ng hapon.

Tumigil ng halos 10 segundo pasado alas-3 ng hapon ang "Star Flyer," ayon sa park director na si Roel Benitez.

Wala naman sa mga sakay nito ang naiulat na nasaktan.

Ani Benitez, aberya sa daloy ng kuryente ang sanhi ng panandaliang pagtirik ng ride. Hindi naman daw kinailangan isara ang nasabing ride.

Bumalik din agad sa normal ang operasyon sa Star City matapos ang aberya. 

Tiniyak naman ni Benitez na ligtas ang mga ride sa Star City dahil lingguhan itong sinisilip ng kanilang mga empleyado.

Bisitahin ang Patrol.PH para sa iba pang mga balita.