'Most wanted' ng QCPD Station 10, arestado dahil sa rape

MAYNILA - Arestado ang top 1 most wanted ng Quezon City Police District Station 10 dahil sa panggagahasa.

Sinilbihan ng warrant of arrest ang lalaki na kinilalang si Mark Angelo Macaldo.

Kinasuhan siya ng dati niyang kinakasama dahil sa panggagahasa.

Arestado ang top 1 sa listahan ng most wanted persons ng Quezon City Police Station 10 dahil sa panggagahasa umano ng kanyang kinakasamang babae.

Depensa ng suspek, wala syang alam dahil matagal na silang hiwalay. @ABSCBNNews pic.twitter.com/ONaaYKm8b2

— Jervis Manahan (@JervisManahan) February 10, 2021

Pero itinanggi ng suspek ang mga alegasyon. Wala umano siyang kinalaman dito.

Matagal na rin umano silang hiwalay sa kanyang kinakasama, at wala rin siyang ideya bakit nagkaso ang biktima.

Matagal na ang kasong rape sa lalaki pero nitong Miyerkoles lang nahuli ang suspek sa Panay, Quezon City.