Barracks ng construction workers, nasunog

Cherry Palma, ABS-CBN News

Posted at Feb 09 2018 11:43 AM | Updated as of Sep 04 2018 10:56 PM

Natupok ng apoy ang barracks na tinutuluyan ng may 100 construction workers sa Mandurriao, Iloilo, Biyernes ng umaga, Pebrero 9, 2018. Cherry Palma, ABS-CBN News

Tinatayang mahigit P100,000 ang pinsalang naidulot ng sunog na tumupok sa barracks sa Mandurriao, Iloilo, Biyernes ng umaga.

Nasa 100 construction workers ang pansamantalang nakatira sa naturang barracks habang nagtatrabaho sa isang construction site sa lugar.

Nanghihinayang naman ang mga ito dahil ang ilang mga personal IDs, ATMs, damit at pagkain sana para sa kanilang mga pamilya ang nakasama sa mga nasunog. 

Mabilis na kumalat ang apoy dahil sa gawa lamang sa light materials ang kanilang barracks.

Agad namang rumesponde ang Bureau of Fire Protection kaya hindi na kumalat pa sa katabi nitong establisyimento ang apoy.

Iniimbestigahan pa ng BFP ang pinagmulan ng apoy habang wala namang naiulat na nasaktan sa insidente.

Bisitahin ang Patrol.PH para sa iba pang mga balita.