PatrolPH

Bike for Press Freedom, isinagawa

Jekki Pascual, ABS-CBN News

Posted at Feb 07 2021 09:08 AM | Updated as of Feb 08 2021 09:19 AM

Bike for Press Freedom, isinagawa 1
Bikers rest in front of the ABS-CBN Broadcasting Center in Quezon City during the “Bike for Press Freedom” solidarity ride from UP-Diliman to Don Alejandro Roces Circle, going to the Commission on Human Rights, on February 7, 2021. Gigie Cruz, ABS-CBN News

MAYNILA - Nagkasa ng 'Bike for Press Freedom' ang ilang grupo ng mga mamamahayag sa Quezon City.

Sumali ang nasa higit isang dosenang journalists at press freedom advocates mula sa Altermidya, International Association of Women in Radio and Television-Philippines chapter, at National Union of Journalists of the Philippines.

Nagbisikleta sila mula University of the Philippines Diliman, papuntang ABS-CBN at sa Commission on Human Rights.

May mga karatula sila sa pagsuporta sa press freedom sa bansa at may panawagan sa agarang pagpapalaya sa mga hinuling mamahayag na sina Frenchie Mae Cumpio at Lady Ann Salem.

Si Cumpio ay mamamahayag sa Tacloban na nahuli dahil umano sa mga nakitang illegal firearms Pebrero noong isang taon.

Si Salem ay nahuli rin sa parehong kaso sa Maynila, pero na-dismiss na ng korte ang kaso. Ngunit, hanggang ngayon ay nakakulong pa rin siya.

Nanawagan ang mga bikers na agad na silang pakawalan. 

Nagsagawa ng maikling programa sa harap ng ABS-CBN ang mga bikers kung saan tinutulan nila ang pag-archive sa franchise bill ng network.

Ang news.abs-cbn.com ay ang opisyal na news organization ng ABS-CBN Corp. 

Watch more on iWantTFC
Bisitahin ang Patrol.PH para sa iba pang mga balita.