Isang pick-up truck ang bumaligtad matapos sumalpok sa dalawang SUV sa Camalig, Albay nitong Biyernes. Kuha ni John Andrew Ranera
Nakunan ng isang dashboard camera ang pagsalpok ng isang pick-up truck sa dalawang kasalubong na SUV sa bayan ng Camalig, Albay nitong Biyernes ng hapon.
Kita sa dashcam ni Jennifer Cervantes ang pagtilapon ng sasakyan bago ito bumaliktad sa gilid ng kalsada.
Nangyari ang insidente sa bypass road sa Barangay Libod bandang 1:00 ng hapon.
Sa inisyal na imbestigasyon ng Camalig Municipal Police Station, nawalan umano ng kontrol ang pick-up kaya sumalpok ito sa mga SUV.
Sugatan lahat ang mga driver at pasahero ng tatlong sasakyan.
Dalawa sa pitong sugatan ay mga pulis na kasalukuyang ginagamot sa ospital.
Patuloy pa ang imbestigasyon ng pulisya sa aksidente.
— Ulat ni Karren Canon
KAUGNAY NA ULAT
Bisitahin ang
Patrol.PH para sa iba pang mga balita.