Ortega, nanumpa na bilang alkalde ng San Fernando City, La Union

Maira Wallis, ABS-CBN News

Posted at Feb 04 2020 05:00 AM | Updated as of Feb 04 2020 07:51 AM

Nanumpa na bilang alkalde ng San Fernando City, La Union si Vice Mayor-elect Alfredo Pablo “Alf” Ortega nitong Lunes.

Ito’y base sa kautusan ng Department of Interior and Local Government (DILG) matapos i-dismiss ng Ombudsman si Mayor-elect Hermenigildo “Dong” Gualberto.

Ugat ng desisyon ay ang reklamo laban kay Gualberto dahil sa maling paggamit umano ng development fund para sa rehabilitasyon ng city plaza.

Sa pahayag ni Gualberto, kinukumpirma nitong nakatanggap siya ng kautusan mula sa DILG para tuluyan nang bumaba sa pwesto.
Pero tiniyak nitong hindi susuko at lalaban sa tamang hukuman.

Nanumpa naman bilang bise alkalde si Maria Rosario Eufrosina “Chary” Nisce.

Isinagawa ang panunumpa sa La Union Provincial Capitol na pinangasiwaan ni Governor Francisco Emmanuel “Pacoy” Ortega III.