3-metrong sawa nahuli sa Butuan City

Richmond Calo Hinayon, ABS-CBN News

Posted at Feb 04 2018 03:51 PM | Updated as of Aug 21 2018 10:10 AM

BUTUAN - Nabulabog ang mga residente ng Barangay Agao sa siyudad na ito matapos matagpuan ang isang sawa na may 3-metro ang haba, Sabado ng gabi. 

Nahuli ng residenteng si Romeo Mantalaba ang ahas na lumalangoy sa tabing ilog. Ani Matalaba, umaga niya unang nakita ang sawa. Sa takot na may mabiktima ito, nagpasya siyang abangan at hulihin ito.

Kasama ni Mantalaba sa paghuli sa sawa ang kaibigang si Samson Noble. Marami umano ang nagkainteres sa nahuli nilang sawa pero pinili nilang ibigay na lang ito sa DENR. 

Pansamantala muna nilang inilagay sa isang improvised na hawla ang sawa habang nakipag-ugnayan sila sa mga tauhan ng DENR sa siyudad para sa pag turn-over ng ahas.

Bisitahin ang Patrol.PH para sa iba pang mga balita.