PatrolPH

LGU worker sa Camarines Norte nahulihan ng hinihinalang shabu

ABS-CBN News

Posted at Feb 01 2022 12:21 AM

Arestado ang isang empleyado ng lokal na pamahalaan ng Daet, Camarines Norte matapos siya umano mahulihan ng hinihinalang shabu sa isang operasyon nitong Linggo.

Ayon sa pulisya, nahuli sa buy-bust operation nila sa Brgy. Matnog sa bayan ng Basud ang 35-anyos na suspek matapos niya bentahan ng isang pakete ng shabu ang kanilang undercover operative.

Isang pouch na naglalaman ng nasa 7 gramo ng shabu na nagkakahalaga ng P18,000 ang nasabat mula sa kaniya.

Kasong paglabag sa Comprehensive Dangerous Drugs Act of 2002 ang haharapin ng suspek.

— Ulat ni Karren Canon

KAUGNAY NA ULAT

Watch more News on iWantTFC
Bisitahin ang Patrol.PH para sa iba pang mga balita.