U-turn slot sa EDSA-Caloocan isasara simula Pebrero 1

MAYNILA — Isa na namang U-turn slot ang isasara sa bahagi ng EDSA sa Caloocan City bilang bahagi ng busway project.

Simula Pebrero 1, isasara ang General Tinio U-turn slot sa Caloocan City, sabi ngayong Huwebes ng Metropolitan Manila Development Authority (MMDA).

Ito ay para mapabilis umano ang daloy ng mga bus sa EDSA busway.

Pinayuhan ng MMDA ang mga maaapektuhang motorista na dumaan sa Balintawak-Cloverleaf.

May mga nakapuwesto rin umanong signages sa lugar bilang gabay ng mga motorista.

Nitong Enero, isinara ang mga U-turn slot sa Bagong Barrio at General Malvar sa EDSA-Caloocan.

• 2 U-turn slots sa bahagi ng EDSA-Caloocan isasara sa Enero 11

RELATED VIDEO: