PatrolPH

Abandonadong bahay sa QC, nasunog

ABS-CBN News

Posted at Jan 24 2021 04:04 PM

MAYNILA - Nasunog ang isang abandonadong bahay sa Panay Avenue, Brgy. South Triangle, Quezon City nitong Linggo ng umaga.

Ayon sa Bureau of Fire Protection, nagsimula ang sunog alas-11 ng umaga sa unang palapag ng bahay, at umabot sa unang alarma bago ideklarang under control mag-a-alas 12 ng tanghali.

Nagtamo ng minor injuries ang isang volunteer firefighter at isang BFP personnel sa kasagsagan ng pag-apula.

Tinatayang nasa P50,000 ang halaga ng danyos ng sunog. Hindi naman naapektuhan ang kalapit na simbahan.

Patuloy pang inaalam ng BFP kung ano ang sanhi ng sunog. 

Bisitahin ang Patrol.PH para sa iba pang mga balita.