Opisina ni Mocha Uson, bukas sa Rappler accreditation

ABS-CBN News

Posted at Jan 24 2018 10:16 PM | Updated as of Jul 18 2019 04:32 PM

Watch more in iWantTFC

Sinabi ni Communications Assistant Secretary Mocha Uson na bukas ang kaniyang tanggapan para bigyan ng accreditation ang online news site na Rappler bilang bloggers.

Hinikayat ni Uson ang Rappler na magsumite lang ng mga requirement sa kaniyang tanggapan para mabigyang accreditation na makapag-cover sa mga aktibidad ni Pangulong Rodrigo Duterte.

"Kung nanonood si Maria Ressa, ay bukas po ang opisina ng social media ng PCOO [Presidential Communications Operations Office]. Mag-submit lang po sila ng requirements nila, at kung makapasa ay bibigyan natin ng accreditation, social media accreditation," ani Uson.

Noong Enero 15, kinansela ng Securities and Exchange Commission ang certificate of incorporation ng Rappler dahil sa umano'y paglabag sa "foreign equity restriction" na nakasaad sa Saligang Batas.

Nauna nang sinabi ni Presidential Spokesperson Harry Roque, Jr. na maaari pa ring magpatuloy ang Rappler na i-cover ang mga aktibidad ng Palasyo pero hindi bilang mga reporter kundi bilang bloggers.

-- May ulat ni Dexter Ganibe, ABS-CBN News

Bisitahin ang Patrol.PH para sa iba pang mga balita.