Nakapiit na Daraga mayor, naospital matapos 'hikain sa katol'

TINGNAN: Daraga Mayor Carlwyn Baldo nang isugod sa ospital matapos mahirapang huminga dahil sa asthma. CIDG Region 5, mahigpit na binabantayan si Baldo sa ospital | via @maan_macapagal pic.twitter.com/xfKhHzatwm

— DZMM TeleRadyo (@DZMMTeleRadyo) January 23, 2019

Matapos maaresto noong Martes, nasa isang pribadong ospital ngayon si Daraga, Albay Mayor Carlwyn Baldo matapos dumaing ng karamdaman bago maghatinggabi ng parehong araw.

Si Baldo ang itinuturong utak sa pagpatay kay Ako Bicol party-list Rep. Rodel Batocabe.

• Daraga mayor, utak sa Batocabe slay: PNP

Pero inaresto siya noong Martes dahil sa pag-iingat umano ng mga di lisensiyadong baril matapos salakayin ang kaniyang bahay sa bisa ng search warrant.

• Daraga Mayor Baldo, arestado sa pag-iingat ng 'di lisensiyadong baril

Ayon sa mga awtoridad, nagreklamo umano ng hika at paninikip ng dibdid si Baldo matapos magsindi ng katol ang isang preso na kasama niya sa piitan.
    
Sa pagsusuri, inirekomendang dalhin sa ospital ang alkalde.

Samantala, ano mang oras ngayong Miyerkoles ay isasampa na ng Criminal Investigation and Detection Group ang kasong illegal possession of firearms at illegal possession of ammunition laban kay Baldo.