45 na E-jeep, papasada na sa Tacloban

Jenette Fariola-Ruedas, ABS-CBN News

Posted at Jan 23 2018 07:25 PM

TACLOBAN CITY - Hindi bababa sa 45 na electric jeepneys ang binigyan ng prangkisa upang makapasada sa hilagang bahagi ng lungsod, Martes.

Ayon sa mga opisyal ng Department of Transportation, pag-aaralan kung magiging epektibo ang paggamit ng mga e-jeep dito sa lungsod bago ilunsad ang programa sa ibang probinsya.

Giit ng mga awtoridad, makakabuti ito para sa mga mananakay dahil hindi mausok ang e-jeep kumpara sa mga de krudong pampasadang sasakyan.

Inaasahan na makikinabang sa programa ang 8,000 pamilya na nakatira sa mga lugar na daraanan ng ruta ng mga e-jeep.

Bisitahin ang Patrol.PH para sa iba pang mga balita.