Agusan del Norte niyanig ng magnitude 4.5 na lindol

Niyanig ng magnitude 4.5 na lindol ang Remedios T. Romualdez sa Agusan del Norte, Miyerkoles ng umaga.

Naganap ang pagyanig alas-9:27 ng umaga kung saan ang episentro ay naitala 10 kilometro northeast ng R.T.R.

• Magnitude 4.5 quake jolts Batangas: Phivolcs

Base sa rekord ng state seismology bureau, may lalim ang lindol na 15 kilometro.

Ang nasabing lindol ay may instrumental intensity 2 sa Gingoog, Misamis Oriental, at Intensity 1 sa Surigao City.

Naramdaman din ang pagyanig sa Butuan City.

Walang naitalang pinsala at walang inaasahang aftershock sa pagyanig.