Mga dinarayong floating cottage sa Agusan del Norte winasak ng alon

ABS-CBN News

Posted at Jan 13 2021 06:19 PM

Sumatutal, 7 floating cottage ang nasira ng alon. Retrato mula kay Jessa Terado

CARMEN, Agusan del Norte - Winasak ng malalakas ng alon nitong Miyerkoles ang floating cottages ng mga residente sa bayan na ito.
 
Sa kuhang video ni Bayan Patroller Jessa Terado, makikitang abala sa pagkumpuni ng mga nasirang floating cottages ang mga tao. 

Ayon kay Terado, mahina lang ang ulan pero malakas ang hampas ng alon sa dagat, dahilan para mahambalos ang naturang mga estruktura. 

Sumatutal, 7 floating cottage umano ang nasira ng alon.

Ang mga floating cottage sa bayan ay dinarayo hindi lang ng mga taga-Carmen kundi pati na rin mga taga-karatig bayan at probinsiya.

–Mula sa ulat ni Charmane Awitan

Bisitahin ang Patrol.PH para sa iba pang mga balita.